Ang Ganda ng Pilipinas 2012... TARA NA!

Salamat at may mga ganitong awitin na nagbibigay buhay at sigla sa mga kababayan natin na nasa kanya-kanyang dako o sulok ng ating bansa .. At lalong higit sa mga nawalay sa bansang Pilipinas na halos di na tanaw kung anong mayron pang mga kagandahan ng kapaligiran na ni sa hinagap ay sa awitin lang na ito nailarawan.. Salamat at may mga mang-aawit na boluntaryong nagbigay pagpapahalaga at panahon para ang isang piyesang ito na punung-puno ng damdamin ng mga tunay na Pilipino ay mailahad at mailarawan nila ang ganda ng Pilipinas sa husay at galing ng kanilang mga pag-awit. Kayo ang una kong maipagmamalaki at kagalakan kong ipahayag na bida kayo sa aming puso. Ang Pilipinas na halos paraiso sa kagandahan na biyaya ng Dakilang DIYOS na SIYANG nagbigay at nagkaloob sa atin nito na lagi nating balikan ng pasasalamat. Kapuri-puri SIYA! O anong palad nating mga Pilipino. Kaya alagaan natin at pagyamanin pa natin kahit ang kasuluk-sulukang bahagi ng ating bansa na biniyayaan ng magagandang tanawin. Tumulong tayo sa paraang may magagawa tayo upang mapanatili ang Ganda ng Pilipinas. Salamat Po! - rommel valerio-http://bhomekzvalerio.blogspot.com/